ملهم

السلام عليكم ورحمة الله وبركاته كل سنة وانتو بخير وصحة وسلام يا رب يا ريت تكملوا قراءة هالكلمات للآخر، يمكن تلاقوا فيها شيء بيلمس قلوبكم أنا محمد، شاب سوري عمري 26 سنة، عايش في مصر من أربع سنين. بحلم ببداية مستقرة وجميلة مع شريكة حياة تكون ناضجة بالعقل وطيبة القلب، بين 26 و28 سنة، لأن النضج هو أساس الأمان والدفء بالحياة الزوجية مع إني شاب بسن صغير، بس التجارب كبرتني، وعندي مسؤولية ووعي الحمد لله. بحس حالي جاهز أبدأ حياة مبنية على الحب والاحترام والتفاهم. وضعي المادي بسيط، بشتغل براتب 15 ألف جنيه، وبعيش حياة متواضعة، بس بآمن إن النية الطيبة والعمل الجاد هم بداية كل خير. بآمن إن الزواج مش مجرد ارتباط، بل بداية شراكة فيها أمل ومحبة، ومع شخص بيكملني ويفهمني، بنقدر نبني سوا عالمنا الخاص. كل يوم بحس من جوّاتي إنه صار الوقت أعيش حياة مستقرة وأكوّن عيلة، يكون عندي أولاد تفرح فيهم أمي وتشيلهم بإيديها، تشوفهم وتفرح فيهم وهي بصحتها، لأن العمر عم يركض. كتير ناس بتقول: "أسّس حالك وبعدين تزوج"، بس الحقيقة إنه ما حدا بيعرف الغيب. ممكن الإنسان يضل يحاول سنين وما يقدر، وممكن خطوة واحدة بالحلال تفتح له أبواب الرزق والاستقرار. أنا ما عم دوّر على كمال أو مثالية، أنا عم دوّر على قلب صادق، على حياة أقدر أبنيها مع إنسانة واعية تشاركني الأحلام والبساطة، وتؤمن إنه بداية الخير بتيجي بالنية الصافية. بتمنى تكون هالكلمات وصلت لقلب كل حدا بيقرأ، وإذا وصل المعنى، ادعولي بالتيسير والرضا من أمي اللي هي أغلى إنسانة بحياتي